काठमाडौँ । नेपाल राष्ट्र बैंकले आजका लागि निर्धारण गरेको विदेशी मुद्रा विनिमय दर स्थिर रहेको छ। राष्ट्र बैंकका अनुसार आज अमेरिकी डलर, युरोपियन युरो र पाउन्ड स्टर्लिङसहित प्रमुख विदेशी मुद्राको विनिमय दरमा परिवर्तन भएको छैन।
आज अमेरिकी डलर एकको खरिद दर १५१ रुपैयाँ ६१ पैसा र बिक्री दर १५२ रुपैयाँ २१ पैसा कायम छ। त्यस्तै, युरोपियन युरो एकको खरिद दर १६९ रुपैयाँ ८० पैसा र बिक्री दर १७० रुपैयाँ ४७ पैसा रहेको छ।
राष्ट्र बैंकका अनुसार पाउन्ड स्टर्लिङ एकको खरिद दर २०२ रुपैयाँ ८८ पैसा र बिक्री दर २०३ रुपैयाँ ६८ पैसा कायम भएको छ। आज पनि यी मुद्राको विनिमय दर अघिल्लो दिनकै कायम गरिएको हो।
