काठमाडौँ । विपक्षी दलहरुले सङ्घीय संसद्को अधिवेशन अविलम्ब आह्वान गर्न सरकारसँग आग्रह गरेका छन् ।
प्रतिपक्षी दल नेपाली कांग्रेसका संसदीय दलका नेता भीष्मराज आङ्देम्बेको अध्यक्षतामा आज बसेको बैठकले संवैधानिक परिषद्को काम कर्तव्य र अधिकारसम्बन्धी ऐन, २०६६ र सहकारी ऐन, २०७४ लाई संशोधन गर्नेसम्बन्धी अध्यादेश फिर्ता गरी सदनमा पेस गर्न आग्रह गरेको हो ।
विपक्षी दलहरुको बैठकले संसद्को अधिवेशन आह्वान गरेलगत्तै स्थगन गरी अध्यादेश सिफारिस गरिनु संसदीय मूल्यमान्यताविपरीत रहेको ठहर गरेको कांग्रेस संसदीय दलका नेता आङ्देम्बेले जानकारी दिए ।
बैठकमा नेपाल कम्युनिष्ट पार्टी ९एमाले० संसदीय दलका नेता रामबहादुर थापा, नेपाली कम्युनिष्ट पार्टीका प्रमुख सचेतक युवराज दुलाल र राष्ट्रिय प्रजातन्त्र पार्टीका सांसद सरस्वती लामा सहभागीता रहेको थियो ।
