काठमाडौँ । सरकारले आइतबार अथात आज सार्वजनिक बिदा दिएको छ । सरकारले रामनवमीको अवसर पारेर सार्वजनिक बिदाको घोषणा गरेतापनि आज अधिकांश बैंकहरुले आफ्ना शाखामार्फत सेवा सञ्चालन गर्ने भएका छन् ।
वाणिज्य बैंक तथा विकास बैंकहरूले एक सूचना जारी गर्दै ग्राहक सुविधालाई मध्यनजर गर्दै केहि शाखा खुला राख्ने निर्णय राखिएको जनाएका छन् ।
जसअनुुसार एभरेष्ट बैंक, हिमालयन बैंक, सानीमा बैंक, एमएमबी बैंक, प्राइभ बैंक, ग्लोबल आइएमई बैंक, सिटिजन्स बैंक, लक्ष्मीसनराइज बैंक र महालक्ष्मी विकास बैंकले देशभर रहेका विभिन्न शाखा कार्यालय सञ्चालन हुने जनाएका छन् ।
बैंकले सार्वजनिक गरेको सूचना अनुसार बिदानको दिन नगद जम्मा तथा झिक्ने, चेक क्लियरिङ, अनलाइन ट्रान्जेक्सन लगायत सेवा मात्रै सञ्चालन हुनेछन् ।
यद्यपि, सबै शाखा खुला नरहने भएकाले ग्राहकले बैंकको सूचना हेरेर नजिकको सेवा उपलब्ध शाखा पहिचान गर्नुपर्ने हुन्छ।
प्राइम बैंकले विभिन्न ७ शाखा सञ्चालन गर्ने जनाएको छ । बैंकले जारी गरेको सूचना अनुसार कोशी प्रदेशका ८ शाखा, मधेश प्रदेशको जनकपुर, बागमती प्रदेशको ५ शाखा, गण्डकी प्रदेशको बीपी चोक, लुुम्बिनी प्रदेशको ३ शाखा, कर्णाली प्रदेश र सुदुरपश्चिम प्रदेशका १÷शाखा कार्यालय खुला हुनेछन् ।
